Kreu i Partisë Republikane Fatmir Mediu është shprehur se kreu I PD-së Sali Berisha ia ka vendosur qëllim vetes dhe opozitës për të ndryshuar qeverinë.

I ftuar në emisionin “Review” në Eurnews Albaniaa, Mediu tregoi dhe disa mënyra se si mund të ndryshohet qeveria ndërsa shtoi se në vendin tonë nuk ka zgjedhje të lira e të ndershme.

Mediu ndër të tjera tha se në vendin tonë nuk kemi ndërtuar një marrëdhënie me faktorin ndërkombëtar në mënyrë që të ndërtojmë një qeverisje që të garantojë procesin zgjedhor të lirë e të ndershëm.

“Berisha flet atë që mendon. Unë mendoj që Berisha ia ka vënë qëllim jo vetëm vetes por gjithë opozitës për të ndryshuar qeverinë e këtij vendi. Çështja është si do e ndryshojë? Unë mendoj se ka ardhur koha që eksperiencat pozitive që kemi pasur, kemi nevojë për ndarje të koalicioneve politike me koalicionet elektorale, kemi nevojë për një fytyrë qeverisëse që e tejkalon atë që ndodh në opozitë, që bashkon një masë të madhe njerëzisht që nuk janë më në jetën politike shqiptare.

Gjithë elektorati shqiptar sot jeton jashtë. Mendoj se çdo qeveri ndryshon me zgjedhje, por para se të shkojmë në zgjedhje duhet të garantojmë një qeveri e cila siguron zgjedhje të lira e të ndershme.  Gabimi që ne kemi bërë është se ne nuk kemi ndërtuar një narrativë në marrëdhënie të drejtë me faktorin ndërkombëtar për të ndërtuar një qeverisje që të garantojë procesin zgjedhor dhe këtë ta kthejmë  në një rregull ligjor para zgjedhjeve.”- tha Mediu.

LEXONI GJITHASHTU: 

• “Edhe Gadafi bënte poçe”- Balliu paralajmëron Ramën për protestën e të hënës
• Mërtiri: Aq njerëz PD-ja i mblidhte me një fishkëllim, Berishës iu desh 1 muaj