Medvedev: Suedia dhe Finlanda në NATO, ndërlikim për situatën në Baltik

Vendimi për anëtarësimin e Suedisë dhe Finlandës në aleancën NATO-s ndërlikon situatën e sigurisë në rajonin e Baltikut.

Kështu u shpreh këtë të premte zëvendëspresidenti i Këshillit të Sigurimit të Rusisë Dmitry Medvedev, shkruan Tass.

“Është e qartë se vendimi për hyrjen e Finlandës dhe Suedisë në NATO nuk e forcon sigurinë e rajonit, por përkundrazi, e ndërlikon situatën e sigurisë për të gjithë. Sa i përket vetë vendimit, ne e kuptojmë se si u mor ai vendim, çfarë lloj histerie përfshinte, si u ndikua në mënyrën e të menduarit të këtyre dy vendeve përtej oqeanit dhe nga Brukseli”, u tha Medvedev gazetarëve.

Sipas tij, kufiri i Republikës së Karelia (pjesë e Federatës Ruse) me Finlandën është tashmë kufiri i Rusisë me NATO-n, gjë që çon në një sërë pasojash negative.

Medvedev shtoi se Rusia do të jetë në gjendje të mbrojë interesat e saj dhe të rrisë sigurinë nëse dy vendet nordike pranohen në NATO.

LEXONI GJITHASHTU

• ‘Agjendë të ngjeshur’, Lavrov nuk i kushton vëmendje kërkesës së Blinken
• ‘Rreziku nga lufta mbetet i lartë’, Moldavia zgjat gjendjen e jashtëzakonshme