3 megaoperacione antidrogë, asgjësohen mbi 6 mijë fidanë kanabis

3 megaoperacione policore në Krujë, Lezhë dhe Shkodër kanë çuar në asgjësimin e 6262 fidanësh kanabis.

Në Krujë u zbuluan në fazën e nëntë të operacionit 875 fidanë të dyshuar narkotikë cannabis sativa, konkretisht: 580 fidanë në fshatin Shkretë dhe 295 fidanë në malin e Brretit.

Në Lezhë operacioni u finalizua në fazën e tetë dhe u gjetën 4557 fidanë dhe bimë të dyshuara narkotike cannabis sativa, konkretisht: 1700 bimë në fshatin Gernac, Milot; 1335 bimë në fshatin Selitë, Milot; 1000 bimë në fshatin Kallmet, Lezhë; 289 bimë në fshatin Lester, Milot dhe 233 bimë në malin e Shëngjinit.

Ndërkohë në Shkodër, operacioni “Alpe të pastra” është në fazën e katërt të tij , ku në fshatin Sumë, njësia administrative Pult, u gjetën 830 bimë të dyshuara narkotike cannabis sativa.

Fidanët dhe bimët e dyshuara narkotike u asgjësuan me anë të djegies, ndërsa një pjesë e vogël e tyre u sekuestrua në cilësinë e provës materiale, bën me dije policia.

LEXONI GJITHASHTU:

• Antidroga greke: Skafistët shqiptarë profesionistë, bëjnë dhe rrugën Marok-Spanjë
• Megaoperacion anti-drogë në Durrës, Tiranë e Krujë, kush janë 8 personat e arrestuar