Mëngjesin e së shtunës nisi seanca gjyqësore për 6 të arrestuarit gjatë operacionit “Metamorfoza” dhe dy të tjerë të kapur në kushtet e flagrancës për armëmbajtje pa leje.
Seanca u ndërpre pasi avokatët kërkuan dy orë kohë për t’u njohur me vendimin e masës së sigurisë dhe aktet e dosjes. Dosja përbëhet nga 110 faqe ndërsa gjykata pranoi kërkesën.
Pëllumb Gjoka, Edmond Preka, Astmer Bilali, Ardrit Hasanbegaj, Oltian Bistri dhe Xhevahir Lita do të njihen në Gjykatë me akuzat për 12 vepra penale të ngritura nga Prokuroria e Posaçme ndaj tyre, nga grupi i strukturuar kriminal, korrupsioni, shpërdorimi i detyrës e deri te pastrimi i parave.
Ndërkohë Sabjan Troshani dhe Nehat Fojleta u arrestuan në flagrancë gjatë kontrolleve të policisë në 26 banesa, ku ju gjetën armë.
Në kërkim mbeten shumica prej personave të përfshirë në grupin kriminal, e përkatësisht Behar Bajri, Ervis Martinaj, Denis Bajri, Klaudio Haka, Prek Kodra, Aleks Ndreka, Arsat Bashli, Bardhyl Marvraj dhe Elion Hato.
LEXONI GJITHASHTU:
- Largimet nga PS? Qafoku: Rama e do të pastër partinë, larg SPAK-ut
- “Siguruan kushte për vrasje”| Akuzat ndaj zyrtarëve dhe të arrestuarve nga SPAK