Meksika njofton ndërprerjen e marrëdhënieve diplomatike me Ekuadorin

Presidenti meksikan Andres Manuel Lopez Obrador tha se vendi i tij do të ndërpresë marrëdhëniet diplomatike me Ekuadorin pasi policia bastisi ambasadën meksikane në Quito.

Të premten, López Obrador theksoi se ky akt paraqet shkelje flagrante të ligjit ndërkombëtar dhe sovranitetit të Meksikës, transmeton “AP”.

Presidenti i Meksikës shkroi në Platformën X se qeveria meksikane do të veprojë sipas ligjit dhe do të shpallë menjëherë pezullimin e marrëdhënieve diplomatike me Ekuadorin.

Të premten, policia ekuadoriane hyri me forcë në ambasadën meksikane në Quito dhe arrestoi ish-zëvendëspresidentin e Ekuadorit, Jorge Glas, i cili po kërkonte azil politik atje.

Bastisja erdhi disa orë pasi qeveria meksikane i dha Glas azil politik.

Glas është ndoshta njeriu më i kërkuar në Ekuador dhe po përballet me hetime për korrupsion, sipas “AP”.

Presidenca e Ekuadorit njoftoi të premten në mbrëmje se Ekuadori është një shtet sovran dhe nuk do të lejojë asnjë kriminel të mbetet i lirë.

LEXONI GJITHASHTU:

• Arrestohet në Ekuador kreu i bandës Los Lobos, gjenden armë, municione, eksplozivë
• Ekuadori zgjat me 30 ditë gjendjen e jashtëzakonshme për shkak dhunës