Meloni kundër gjykatës për emigrantët në Gjadër: Do ecim përpara me marrëveshjen

Kampi i Gjadrit mund të vazhdojë të rrijë i hapur, edhe pse për Gjykatën e Romës e humb funksionin për të cilin u ngrit.

Gjasat janë që javën e ardhshme të vijnë një grup tjetër emigrantësh, dhe kjo do të konfirmohet ditën e henë, në mbledhjen e posacme që kryeministrja Xhorxhia Meloni ka kërkuar me kabinetin qeveritar.

“Dua të ecim përpara në marrëveshjen me Shqipërinë. Italianët më kërkuan të ndaloja imigracionin ilegal: Do të bëj çmos për ta kufizuar, por më vjen keq që, në një kohë kur e gjithë Evropa po shikon me interes diçka që po bën Italia, ne po mundohemi si gjithmonë të shprehim në mënyrën tone. Është një çështje që do të zgjidhet së shpejti”, u shpreh Meloni.

Kryeministrja doli kundër gjyqtarëve në Romë, e madje në retorikën e saj përdori edhe argumentin e një vendimi paraprak, pas vendimit për kthimin e emigrantëve në Itali.

Anija e së Rojës Bregdetare me 12 emigrantë është nisur nga Shqipëria për në Bari, pas vendimit të marrë të premten nga seksioni i emigracionit në gjykatën e Romës, i cili e konsideroi të pavlefshme mbajtjen e tyre në kampin e Gjadrit, me arsyetimin se nuk vijnë nga vende të sigurta.

LEXONI GJITHASHTU:

• Lëvizja 5 YJET pas vendimit për afganët: Meloni kërko falje dhe kthe paratë
• “Kosto edhe për Shqipërinë”, deputeti italian: Pakti me Melonin do dështojë