Një 72 vjeçar është gjendur i pajetë këtë të martë pranë një përroi nga familjarët rreth orës 06:40, në lagjen “Canometaj”, në fshatin Zhapokikë 2, Memaliaj.

Burime policore nga terreni konfirmojnë se 72 vjeçari Faik Ajdini është vrarë.

Nga konstatimet paraprake në trupin e të ndjerit, janë gjetur dy goditje në qafë dhe në kokë, ku plaga në qafë ka shkaktuar hemoragji, që ka çuar në vdekjen e tij.

Goditjet mësohen se kanë qenë me mjete prerëse, sëpatë dhe thikë.

Terreni shumë i vështirë, ku gjendet trupi i të ndjerit, ende i palëvizur, ka bërë që në vendngjarje të shkojnë specialistët e grupit hetimor për të dalë në përfundime konkrete.

Sipas pistës fillestare, Faik Hajdini është qëlluar për vdekje dhe për të humbur gjurmët, vrasësi e ka hedhur në humnerë.

Ndërkaq alarmin për humbjen e tij e dhanë familjarët, të cilët kishin humbur kontaktet me të prej 48 orësh.

LEXONI GJITHASHTU:

• “Më fal baba”, policia kryen ekspertizën e letrës së gjetur në banesën e pedagogut
• RENEA në ndjekje të efektivit Erjon Goxhara, 10 mijë € për këdo që jep informacion