Memaliaj, zjarri djeg disa banesa në një pallat dykatësh

Një vatër zjarri në një godinë dykatëshe kolektive ka dëmtuar disa banesa në qytetin e Memaliajt.

Ngjarja u regjistrua rreth orës 05.00 të ditës së sotme kur zjarri përfshiu një prej banesave që ndodheshin në pallatin dykatësh për t’u përhapur më pas në pjesë të tjera të godinës.

Ndërhyrja e forcave zjarrfikëse të Tepelenës, Memaliajt dhe Gjirokastrës mundësoi fikjen e zjarrit dhe shpëtimin e banesave të pallatit.

Nga zjarri janë dëmtuar disa banesa në pallatin dykatësh. Të gjithë banorët e pallatit u evakuan deri në përfundim të operacionit dhe nuk pati të lënduar nga banorët. Dyshohet që shkak i zjarrit të ketë qenë një furnelë elektrike në një prej banesave.