Memli Krasniqi: PDK fiton pa balotazh në 5 komuna të Kosovës

Kyetari i Partisë Demokratike të Kosovës, Memli Krasniqi në një deklaratë për mediat gjatë procesit të numërimit të votave u shpreh se PDK ka fituar pa balotazh në 5 komuna të Kosovës.

Memli Krasniqi tha gjithashtu se PDK është në balotazh në 7 komuna të tjera.

“Bazuar nga të dhënat, PDK ka fituar pa balotazh në Mitrovicë, në Ferizaj, Skënderaj, Kaçanik dhe Han të Elezit. Jemi në balotazh dhe me besimin e qytetarëve në nëntor do ta fitojmë Prizrenin, Drenasin, Vushtrrinë, Shtime, Dragashin, Malishevën dhe Klinën”, tha z. Krasniqi.

Ai tha se PDK ka shënuar rezultat të jashtëzakonshëm në zgjedhjet lokale “për të mbajtur dhe rikthyer qeverisjet e mira në Kosovë”.