Menaxheri i hotelit, Durrës: Turistët gjermanë gënjejnë, nuk kanë paguar ekstra

Në mediat gjermane por edhe në Shqipëri është publikuar një lajm lidhur me pakënaqësitë që kanë pasur disa turistë gjermane që kanë pushuar në një hotel në Durrës.

Një çift  vendosën të udhëtojnë në Shqipëri dhe të pushojnë 12 ditë.  Ata rezervuan një paketë për rreth 1300 euro në një hotel me 4 yje si dhe për fluturimin. Por ata u penduan për këtë udhëtim pasi kushtet në hotel nuk ishin të përshtatshme ndërkohë që vendi që rrethohej ishte plot mbeturinat .

“Melanie Zeeb dhe Michael Bürger thjesht duan të kthehen në shtëpi, larg hotelit horror. Por fluturimi i shumëpritur i kthimit bëhet problemi i radhës për pushuesit. Për shkak të rezervimeve të tepërta, ata nuk mund të marrin dot fluturimin e tyre nga Tirana në Berlin. Linja ajrore ofron akomodim dhe ushqim, por jo një fluturim të ri direkt për në Berlin. Në vend të kësaj, çifti duhet të fluturojë për në Këln. Si të kthehemi më pas nga andej? Kompanisë ajrore nuk duket se i intereson” – shkruan RTL.

Por hoteli pretendon ndryshe. Menaxheri i hotelit në Durrës Eriklent Kollollari, në një intervistë për emisionin “Good Morning Albanias” në Euronews Albania, theksoi se turistët gjermanë gënjejnë.

“Klientët janë akomoduar në hotel më 21 gusht, pa kryer asnjë lloj pagese. Pagesa është bërë me 28 gusht. Kanë ndenjur 7 ditë pa bërë asnjë pagesë”- tha ai.

LEXONI GJITHASHTU: 

• Kozmetologu: 90% e shqiptarëve vuajnë nga tiroidja, çon në rënien e flokëve
• Ekonomistja: 2 milion lekë në vit kostoja për 1 fëmijë, çiftet po shtyjnë lindjet