Mendohej si e pavlerë, zbulohet se i përkiste të madhit Rembrandt 

Skica “Ngritja e Kryqit” nga mesi i shekullit të 16-të, e cila mendohej prej kohësh se i përkiste një prej ndjekësve të tij, në fakt ishte pikturuar nga mjeshtri i famshëm Rembrandt, njoftoi Muzeu Holandez Bredius.

“Cilësia e detajeve është aq e mirë sa jam i bindur se është Rembrandt,” tha Johaneke Verhave, një konservatore muzeu që punoi në restaurimin e skicës.

“Ngritja e Kryqit” ka qenë në Muzeun Bredius që nga viti 1921, por skica u pre pasi ekspertët besonin prej kohësh se ishte vetëm një imitim i përafërt i Rembrandt.

Ish-kuratori kryesor i muzeut “Boijmans Van Beuningen” të Roterdamit, Zeren Giltaj, “rizbuloi” skicën ndërsa bënte kërkime për librin e tij mbi Rembrandt vitin e kaluar.

“E pashë pa pushim këtë punë me penelata, të cilat janë të shkëlqyera. Mendoj se ky është vërtet Rembrandt”, tha Giltaj.

Mungesa e detajeve në goditjet e penelit është një nga arsyet pse ekspertët deri më tani e kanë konsideruar skicën si thjesht një imitim të punës së një mjeshtri të madh. Giltai kujton se është vetëm një skicë e përafërt e bërë në vaj, për të përcaktuar përbërjen e pikturës së mëvonshme.

Piktura e Rembrandt “Ngritja e Kryqit” e krijuar në vitin 1633 aktualisht është e ekspozuar në muzeun “Alte Pinakothek” në Mynih.

LEXONI GJITHASHTU:

• Një ‘Rembrandt’ për 1.500 banorë
• Ankandi i Sotheby’s, në ofertë, punime arti nga Rembrandt, Miro dhe Picasso