Mensah është shpëtimtari i Partizanit dhe trajnerit Kolela, me këtë të fundit që ishte thuajse i shkarkuar nga skuadra e demave. Të kuqtë arritën të mposhtin minimalisht Bylisin në Ballsh, duke mbërritur kështu në kuotën e 34 pikëve. Kjo ishte fitorja e parë për Partizanin për vitin 2023.
Triumf regjistroi dhe Vllaznia në klasiken e vendit, ku mposhti Tiranën me rezultatin 1-0. Goli i Markut me penallti në pjesën e dytë i mjaftoi shkodranëve për të siguruar vendin e dytë në tabelë, në përfundim të javës së 21-të.
Kukësi u ngjit në vendin e tetë duke braktisur përkohësisht vendin e fundit në tabelën e klasifikimit. Skuadra e Rraman Hallacit fitoi ndaj nje rivali direkt si Kastrioti, teksa goli i vetëm u shënua nga Edi Basha. Egnatia u rikthye tek fitorja ndaj një rivali të fortë si Laçi, në një fushë të vështirë si ajo e kurbinasve. Paulaskas ishte heroi i rrogozhinasve.
E vetmja përballje pa fitues ishte derbi Erzeni-Teuta, sfidë e mbyllur në shifrat 1-1. Durrsakët kaluan në avantazh me një penallti të shndërruar në gol nga Kallaku, e cila u komentua së tepërmi nga shijakasit. Ndërkohë këta të fundit barazuan me mbrojtësin Brazilian Leao, i cili shënoi golin e parë në aventurën me Erzenin.
LEXONI GJITHASHTU
- Mbappe dhe Messi përfshihen në ekipin e PSG-së për përballjen ndaj Bayern-it
- Barcelona nuk ndalet në La Liga, shkëputet 11 pikë nga vendi i dytë
- Igli Tare drejt Tottenham
