Mercedes kërkon Verstappen dhe jo vetëm

Mercedes vendos Max Verstappen në krye të listës për vitin e ardhshëm. Team principal Toto Wolff e pranon se 3 herë kampioni i Botës në fuqi është dëshira e tij e parë për zëvendësimin e Leëis Hamilton në fund të sezonit, kur britaniku do të transferohet te Ferrari.

Megjithatë, Shigjetat e Argjendta kanë një listë pretendentësh nëse transferimi i Verstappen do të bllokohet nga Red Bull. Kampionët për konstruktorë do të bëjnë gjithcka për ta mbajtur talismanin e tyre derisa diçka më e madhe se saga Horner të shfaqet në publik.

Në këtë rast Wolff ka 3 alternativa potenciale post Verstappen që do të garonin përkrah Russell sezonin e ardhshëm. Një prej tyre është talenti 17 vjeçar nga Formula 2, Andrea Kimi Antonelli. Dyshimi i vetëm është nëse ai do të jetë gati për të debutuar kaq shpejt në F1.

Nëse diçka do ta pengojë, atëherë Fernando Alonso që drejton një Aston Martin dhe Carlos Sainz që do të lirojë vendin për Hamilton, janë dy emrat e tjerë në listën e dëshirave të Mercedes. Gjithcka në karuselin e merkatos së pilotëve do të përcaktohet nga ajo cka Verstappen do të bëjë.

LEXONI GJITHASHTU:

• 2024 mund të jetë viti i fundit për Ricciardo-n në Formula 1
• Nga futbolli në Formula 1, Gasly investon te FC Versaille