Në rrëfimin e sotëm të “Real People”, fshihet Merita nga Vlora, një zonjë me një jetesë të thjeshtë dhe modeste, e cila ka treguar historinë jo të lehtë të jetës së saj. Ajo punon në urgjencë aktualisht dhe ka studiuar për teknikë laborante.

Në pamje të parë, ajo çfarë bie në sy gjatë intervistës, është shtëpia e saj me kushte të vështira. Merita tregon se në kohën që lindi, ajo u braktis dhe u la në jetimore. Si rrjedhojë, ajo shprehet se duhej të ishte siguruar me një shtëpi, një e drejtë kjo për të cilën asnjë nuk u interesua.

“Jam rritur në shtëpinë e fëmijës në Tiranë. Jam braktisur sapo kam lindur. Mamaja dashuroi një burrë të martuar. Mamaja dhe babai janë njohur në Kinë. Mamaja ishte petagoge atje. Më pas linda unë, dhe kur nëna e mori vesh që babai ishte i martuar me tre fëmijë, më hodhën në plehra. Familja e babait ishin një familje e ngritur dhe me emër në Vlorë. Për t’i njohur nuk i njoh.

Më tej, Merita flet mbi kushtet e vështirë që është e detyruar ti përballojë.

“Shtëpinë  e kam me qera, paguaj 150 mijë lekë. Ka dy muaj që bashkia nuk mi ka dhënë lekët, nxjerrin justifikime. Këto janë gënjeshtarë. U them do iu sjell gazetarët po kanë frikë. Kanë frikë se nxirren të palarat, pavarësisht se shumica e popullit nuk reagon.

Unë jetoj me bonus social. Kjo sepse kur mbarova shkollën e mesme unë, duhet të punoja dy vjet se kshu është me rregullore. Brenda dy viteve bashkia dhe drejtoria e spitalit ku jetoj unë, duhet të paraqisnin dokumentet në bashki.

Bonusi më takon se nuk më kanë dhënë shtëpi, nëse do kisha shtëpi s’do më jepnin bonusin, e kam me të drejtë sepse jam rritur në shtëpinë e fëmijës. Ka një ligj, mbaron shkollën e mesme, bën dy vjet punë. Ka 30 vjet që duhet të interesohej Drejtoria e Ndërmarrjeve për këtë gjë dhe nuk e ka bërë”, rrëfeu Merita nga Vlora.

LEXONI GJITHASHTU:

• Rama: Si sot një vit do hapet konsullata e Shqipërisë në Kretë
• Rama për emigrantët: 500 aplikantët e parë s’do paguajnë taksa në shtet për 10 vite