Merret peng 44-vjeçari, 2 vëllezërit e fusin në makinë, e çojnë në zonën e Kënetës

Dy vëllezër në qytetin e Durrësit kanë përfunduar në prangat e policisë pasi morën peng në makinë një 44-vjeçar dhe e kërcënuan për motive të dobëta.

Arrestimi i shtetasve A. G., 25 vjeç, dhe L. G,. 29 vjeç , u krye pas kallëzimit të bërë nga shtetasi B. Sh., 44 vjeç, banues në lagjen nr. 13 Durrës, se ishte marrë pa dëshirën e tij në makinë nga dy vëllezër të cilët e kishin çuar në zonën e Kënetës dhe e kishin kërcënuar për motive të dobta.

Në cilësinë e provës materiale u sekuestruan automjeti dhe tre aparate celular.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Heqja e paligjshme e lirisë”, kryer në bashkëpunim.

“Si rezultat i veprimeve të shpejta, shërbimet e Policisë lokalizuan, kapën dhe shoqëruan në Stacionin e Policisë Palzh, Durrës dy vëllezërit e dyshuar.

Në përfundim të veprimeve të para hetimore u bë arrestimi në flagrancë i shtetasve:

1. G., 25 vjeç, dhe L. G,. 29 vjeç,(vëllezër), banues në Durrës”, thuhet në njoftimin e policisë.

LEXONI GJITHASHTU:

• Tritoli në agjencinë funerale për një borxh të pashlyer, identifikohet autori
• Kundërshtoi me forcë policin për gjobën, arrestohet 37-vjeçari në Malësinë e Madhe