Mes skamjes dhe mjerimit, Euronews siguron pamje nga banesa e familjarëve të Mjacajt

Euronews Albania ka zbuluar pamjet nga shtëpia në Shkodër e autorit të vrasjes së Arben Llëshit në burgun e Peqinit, Sokol Mjacajt, i cili ka kryer më parë edhe ekzekutimin e 2 turistëve çekë dhe një të mituri.

Nga pamjet e siguruara, duket se familja e Mjacajt jetonte në kushte të mjerueshme ekonomike, mes skamjes dhe varfërisë.

Përmes një lidhjeje për emisionin “Review” në Euronews Albania, gazetari Aldo Kozarja tha se Policia e Shkodrës ka kryer kontrolle të imtësishme në banesën e familjarëve të Mjacajt, pas dyshimeve se vrasja është kryer me pagesë, duke pretenduar se atje mund të gjenin një sasi të caktuar parash.

“Zyrtarët e Policisë së Shkodrës kanë kryer një kontroll të imtësishëm në shtëpinë e Sokol Mjacaj. Kontrolli është bërë sepse Policia fillimisht dhe grupi hetimor ka dyshuar se kemi të bëjmë për një vrasje me pagesë. Dhe përmes këtij kontrolli në banesën e rrënuar në kushte jashtëzakonisht të varfëra, është menduar se mund të fshihej një sasi e konsiderueshme parash te babai apo vëllai i tij”, tha Kozarja.

LEXONI GJITHASHTU:

• Gazetari zbulon dëshminë e Mjacaj: Po mos ta dija se do hyja në 41bis, s’do e vrisja
•  “Si skenë filmash”- Gazetari: Mjacaj kishte pistoletë me mulli, e qëlloi në qafë