Mesazhet e Merkel, Besart Kadia: Konfirmoi se Shqipëria dhe RMV-ja janë gati për negociatat

Zëvendësministri i Financave, Besart Kadia tha në “Now” se lajmi i ditës së sotme është që  vetë kancelarja e Gjermanisë pohoi se Shqipëria dhe Maqedonia e Veriut i kanë plotësuar kushtet dhe meritojnë hapjen e negociatave me Bashkimin Evropian.

Sipas tij, Angela Merkel dha një shpresë tjetër, kur deklaroi se vetoja e Bullgarisë është e përkohshme dhe kjo sipas tij shton më tej shpresat, që Tirana dhe Shkupi të ecin më shpejt drejt familjes europiane.

“Lajmi sot ishte ky: Shqipëria dhe Maqedonia e Veriut janë gati për t’i hapur negociatat. E thënë nga Merkel në Tiranë se Tirana dhe Shkupi janë gati të hapin negociatat me BE, për mua është lajm i mirë dhe ky është lajm i ditës. Dhe dha shpresën se çfarë ka ndodhur me Bullgarinë është e përkohshme. Lajmi i dytë që Merkel dha është se Serbia nuk mund të hyjë në BE nëse nuk ka zgjidhur problemet me Kosovën”, tha ai.

Z. Kadia u shpreh se sheh një optimizëm në Ballkanin Perëndimor edhe pas largimit të kancelares.

“Më duket si optimiste për të ardhëm. Periudha post-Merkel është një Ballkan në paqe”, shtoi ai.

LEXONI GJITHASHTU:

• Redi Shehu: Vizita e Merkel tregon se Gjermania nuk heq dorë nga Ballkani