Mesazhi i Alibeajt pas akuzave për negociata me PS-në për presidentin

Deputeti Enkelejd Alibeaj ka mohuar akuzat para deputetëve demokratë se ka negociuar me Partinë Socialiste për zgjedhjen e presidentit.

Gazetarët e Euronews Albania kanë parë mesazhin që Alibeaj u ka dërguar deputetëve në grupin e ‘What’s app’, ku sqaron se nuk ka ndodhur asnjë takim për çështje negociatash për përzgjedhjen e presidentit.

Të gjitha akuzat, Alibeaj i ka quajtur të stisura.

“Ju sqaroj se nuk ka ndodhur ndonjë takim imi, as imagjinar, as në titull personal e jo më emër të grupit, me ndokënd për çështje negociatash për ndonjë çështje. Siç edhe është organizuar veprimtaria e grupit parlamentar tonit, për çdo çështje të agjendës parlamentare, apo organizative, gjithçka është e mbetet kompetence e mbledhjes se grupit parlamentar”, shkruan ndër të tjera ai.

Javën e kaluar, kreu i grupit Parlamentar të PS-së, Taulant Balla deklaroi se socialistët kanë nisur konsultimet për presidentin.

Ndërsa, Sali Berisha tha se nuk do të votojnë asnjë kandidat të Ramës për president.

LEXONI GJITHASHTU:

• Berisha nga Shkodra: Nuk votojmë asnjë kandidat të Ramës për president
• Berisha largohet nga seanca parlamentare, dënon sjelljen e Ramës
• Taulant Balla: Kemi nisur konsultimet për zgjedhjen e presidentit