Mesha e Krishtlindjes në Tiranë, Imzot Arjan Dodaj: Të kthehemi te vlerat morale

Mijëra besimtarë kanë kremtuar Krishtlindjen në Shkodër, Lezhë, Lushnje, Fier, Berat dhe qytete të tjera të vendit. Në të gjitha kishat e këtyre qyteteve është zhvilluar Mesha e Shenjtë, ku krerët fetarë kanë përcjellë mesazhe për më shumë paqe, dashuri dhe mirësi mes njerëzve.

Imzot Arjan Dodaj, në fjalën e tij në meshën e Shenjtë tha se shoqëria shqiptare ka nevojë të rikthehet të vlerat e larta morale dhe tu jap shpresë të rinjëve.

“Të kthemi të jeta e virtyteve dhe të vlerat më të mira morale. Kemi nevojë për fjalë shpesë për të inkurajuar të rinjtë që shpesh shohin vetëm largimin si të vetëm rrugë. Zoti u është pranë të gjithëve”, tha ndër të tjera. Imzot Arjan Dodaj.

Qytetarë të shumtë ndodhen sot në katedralen Shën Pali në Tiranë, për të ndjekur meshën e Shenjtë të Lindjes së Krishtit. Për shkak të numrit të madh të pjesëmarrësve, një pjesë e tyre po e ndjekin meshën në oborrin e Katedrales.