Mësuesi është kthyer në një profesion të rëndomtë, pretendon eksperti

Eksperti i arsimit Ndriçim Mehmeti u shpreh për “SOT” në Euronews Albania se mësuesi në Shqipëri është kthyer në një profesion të rëndomtë.

Ai konsideroi se mësuesit kanë paga të ulëta dhe nuk shpërblehen mjaftueshëm për punën që bëjnë.

Sipas ekspertit është e vështirë që studentët të zgjedhin mësuesinë sepse do ju duhet të studiojnë 3 vite plus 2 vite master plus 1 vit stazh dhe vendin e punës nuk e kanë të sigurt.

Ndër të tjera Mehmeti tha se shteti nuk mund të vendosë mesataren për pranimin në universitet sepse liria akademike është e mbrojtur me Kushtetutë.

“Nëse Universiteti është autonom, vendos ai, ç’punë ke ti?” – ishte pyetja që ngriti eksperti i arsimit.

Ai theksoi se Ministria e Arsimit ka për detyrë rolin e rregullatorit dhe zbatimin e atyre që vendos Universiteti.

LEXONI GJITHASHTU:

• Ulja e mesatares që të mos mbyllen degët në fakultet, thotë eksperti i arsimit