Të zbresim me këmbë në tokë dhe të dëgjojmë gjithë grupet e interesit!

Kjo ishte deklarata që dha e ftuar në “SOT” në Euronews Albania, mësuesja Alma Lama, njëkohësisht dhe kryetare e Sindikatës së Pavarur të Arsimit.

Ajo u shpreh se problemi me cilësinë e tezës në Maturën Shtetërore zgjidhet duke dëgjuar ekspertët e fushave, por nëse vazhdojmë siç jemi zgjidhja më e mirë është teza standarde.

“Arsimi nuk duhet të jetë më pjesë e klaneve, e nepotizmit dhe pjesë e politikës. Unë mendoj se ekspertët e mirëfilltë shpesh herë lihen në hije,” – u shpreh Lama.

Sipas saj është e rëndësishme që të rekrutohen më të mirët dhe të krijohen grupe pune për hartimin e tezave standarde që nuk do të ngjallin kaq shumë polemika te maturantët.