Meta flet për marrëdhënien që ka sot me Berishën: S’ka problem që është “non grata”

Kryetari i Partisë së Lirisë, Ilir Meta nuk e sheh si shqetësim apo problem, shpalljen “non grata” të kryedemokratit, Sali Berisha nga SHBA dhe Britania e Madhe.

Në emisionin “Now” në Euronews Albania, Meta tha se shpallja “non grata” e Berishës është një vepër e kryeministrit Edi Rama.

Sipas Metës, ky vendim nuk e bën Berishën anti-amerikan.

“Për mua ky nuk është një shqetësim, për arsye sepse ju e dini që qëndrimi im, që kur është shpallur zoti Berisha “non grata”, ka qenë një qëndrim kundërshtues. E kam bërë të qartë që është një lojë e Edi Ramës dhe e përkrahësve të Edi Ramës.

Është një vendim që është marrë edhe prej tyre, që natyrisht është e drejta e tyre, por e kam të qartë që ky veprim është një histori McGonigal siç del qartë dhe do dalë më e qartë më mbrapa. Ky vendim nuk e bën Berishën anti-amerikan”, theksoi ai.

LEXONI GJITHASHTU

• Meta kërcënon Ramën: Se parashikon dot atë që do t’i vijë
• Meta: Berisha e ka fituar gjyqin e 3 marsit, është kryetar i PD-së
• Pse të thërret prokuroria kur s’ke lidhje? Përgjigjet Meta