Meta mesazh në nisje të protestës: Ndryshimi do të ndodhë me çdo çmim

Kryetari i Partisë së Lirisë, Ilir Meta, ka dhënë një deklaratë për media në nisje të protestës së opozitës të planifikuar këtë të shtunë përballë ambienteve të kryeministrisë.

Në fjalën e tij Meta theksoi se kjo është një protestë pa kthim, dhe kryeministri Edi Rama do të rrëzohet me çdo çmim sipas tij.

Meta tha se asgjë nuk mund ta shpëtojë dot kryeministrin për përfshirjen e tij në aferën McGonigal.

“Asgjë nuk e shpëton korruptuesin e McGonigal. Mesazhin sot e jep populli.

E rëndësishmja është fillimi i protestës dhe është një protestë pa kthim. Rama është i dorëzuar dhe të jap dorëheqjen sa më parë. Një kryeministër që fshihet është i rrëzuar. Është një fillim pa kthim dhe një ndryshim që do të ndodhë me çdo çmim, që mos të iki rinia shqiptare por të kryeministri që kërkon të përdhosë pluralizimin”, tha Meta.

LEXONI GJITHASHTU:

• Opozita në shesh, Rama poston videon në facebook. Ja ku ndodhet kryeministri
• Simpatizantët mblidhen në selinë e PD. Marshimi i Berishës pa media, shkak ‘grushti’
• Ambasada e SHBA thirrje shtetasve amerikanë: Shmangni tubimet e mëdha