Meta uron presidentin italian për rinkonfirmimin në detyrë

Presidenti Ilir Meta ka uruar presidentin italian Sergoi Mattarella për rizgjedhjen në detyrë për një mandat tjetër 7-vjeçar.

Përmes një postimi në faqen e vet në Facebook Meta shpreh besimin se “edhe gjatë këtij mandati, marrëdhëniet e shkëlqyera, historike e shumëdimensionale midis Shqipërisë dhe Italisë, do të rriten e pasurohen edhe më shumë, si në planin dypalësh, ashtu edhe në atë shumëpalësh”.

“Dëshiroj të shpreh mirënjohjen për mbështetjen e pakursyer dhe të vazhdueshme që Ju dhe vendi Juaj i keni dhënë Shqipërisë dhe të gjitha vendeve të Ballkanit Perëndimor, në kuadër të procesit të integrimit në Bashkimin Europian, e njëkohësisht të shpreh bindjen se rizgjedhja Juaj si President i Italisë do të nxisë edhe më fort mbështetjen italiane përgjatë këtij proces të rëndësishëm europian dhe gjeostrategjik për rajonin dhe për gjithë Europën”, shkruan Meta në Facebook.

Në raundin e tetë të votimit, Parlamenti italian vendosi rizgjedhjen e Sergio Mattarella si president i Republikës së Italisë.

LEXONI GJITHASHTU:

Sergio Mattarella rizgjidhet president i Italisë