Meteoalb: Rriten temperaturat, fundjava rikthen reshjet në të gjithë vendin

Meteorologu  i Meteoalb, Hakil Osmani në një lidhje me Euronews Albania bëri të ditur se deri ditën e premte moti në vend do të jetë kryesisht i kthjellët, ndërsa duke nisur nga mbrëmja se premtes dhe gjatë fundjavës parashikohet të rikthehen reshjet në të gjithë territorin.

“E premtja dhe fundjava sjellin prezencë të reshjeve të shiut, e shtuna prezencë në të gjithë territorin dhe e diela sjell dobësim të reshjeve, pasi herë pas here priten reshje në formë rrebeshesh”,  tha meteorologu Osmani.

Temperaturat gjatë javës do të jenë tipike pranverore, me maksimumet jo më shumë se 21 gradë celsius, deri të premten pritet një rritje e lehtë, ku maksimumi deri në 24. Fundjava pritet të sjellë një rënie të lehë me 1-2 gradë celsius.