Meteorologët sllovenë paralajmërojnë një stuhi të fortë

Meteorologët sllovenë kanë lëshuar një paralajmërim për një stuhi të fortë që do të prekë të gjithë vendin sonte, me reshje të mundshme të rrëmbyeshme shiu, erëra të forta dhe raste lokale të breshrit.

Gjatë pasdites, temperaturat e ajrit në Slloveni ishin midis 32 dhe 37 gradë Celsius, dhe sipas njoftimeve të Agjencisë për Mbrojtjen e Mjedisit (ARSO), pas ditëve të nxehta, sonte do të vijë një stuhi.

Meteorologu i ARSO-s në detyrë Brane Gregorčič njoftoi se sonte dhe gjatë natës mbi Slloveni do të kalojë paqëndrueshmëria e motit, e cila do të shkaktojë stuhi të forta.

ARSO parashikon që stuhitë do të shoqërohen me erëra të forta, të cilat, sipas portalit Neurje, mund të arrijnë një shpejtësi prej më shumë se 100 kilometrash në orë. Gjithashtu janë të mundshme vetëtima, reshje shiu dhe breshër.

Gregorcic thotë se fronti i stuhisë do të mbulojë të gjithë vendin, por se ende nuk është e mundur të parashikohet saktësisht se ku do të jetë më e forta stuhia.

LEXONI GJITHASHTU:

• 3 të vdekur dhe 2 të zhdukur nga stuhia në Francën juglindore
• I ftohti ekstrem mbërthen SHBA, mbyllen shkollat e anulohen fluturimet