Mike Pence 7 orë dëshmi para jurisë së madhe për sulmin në Capitol Hill

Ish- zv.presidenti Mike Pence doli para jurisë së madhe që po heton rolin e ish-Presidentit Donald Trump në përpjekjet për të përmbysur rezultatin e zgjedhjeve të 2020.

Nuk është ende e qartë se çfarë mund të ketë deklaruar para jurisë së madhe Mike Pence, i cili është zyrtari më i lartë i administratës së zotit Trump që thirret për të dëshmuar para drejtësisë. Pence ishte brenda Gjykatës së Qarkut të SHBA në Uashington për më shumë se shtatë orë.

Dalja para jurisë së madhe e ish-zv.presidentit vjen në një kohë kur ai po shqyrton mundësinë për të sfiduar Trump për të fituar emërimin e Partisë Republikane për zgjedhjet presidenciale të 2024.

Ndaj Trump, i cili ka shpallur kandidaturën për të marrë drejtimin e Shtëpisë së Bardhë, u ngritën akuza të reja penale lidhur me pagesat e bëra në këmbim të heshtjes lidhur me akuzat për marrëdhënie jashtëmartesore me dy gra.

LEXONI GJITHASHTU: 

• Pronarit shqiptar i bëjnë pritë përpara lokalit, e qëllojnë dy herë me thikë
• Rikthehen makinat klasike, koleksioni “retro” pushton qendrën e kryeqytetit