Milaim Zeka: Rama, Kurti, Meta dhe Berisha kanë këtë të përbashkët

Analisti Milaim Zeka zbuloi në një intervistë për Euronews Albania një të përbashkët mes Edi Ramës, Albin Kurtit, Ilir Metës dhe Sali Berishës.

Sipas tij gjithë liderët politikë mendojnë se duke “goditur” kryeministrin në sy të ndërkombëtarëve, rrjedhimisht ke goditur vendin tënd.

“Pavarësisht divergjencave tona politike me Albin Kurtin, gjithmonë në raport me Vuçiçin, ne duhet ta mbështesim kryeministrin tonë për çfarëdo lëvizje të tij politike. Ne duhet të jemi unikë përballë Serbisë dhe nuk duhet ta shohim Albin Kurtit si një armik, ose si një njeri që ne duhet ta godasim edhe në momentet kur ai merr vendime ose qëndrime jo të balancuara në raport me Serbinë. E njëjta gjë duhej të vlente për opozitën e Shqipërisë,” – u shpreh Zeka.

Sipas tij Bashkimi Europian i ka informacionet që i duhen edhe për qeverinë Rama, edhe për korrupsionin apo krimin e organizuar dhe një protestë nuk do ndihmonte për t’i bërë me dije ndërkombëtarëve gjërat që nuk shkojnë në Shqipëri.

LEXONI GJITHASHTU:

• Kolumnisti holandez: Pse mbreti holandez dhe ai shqiptar s’janë të ftuar në Samit?
• Kancelari austriak para samitit në Tiranë: Po dërgojmë një sinjal të fortë afrimi