Milani nuk di të fitojë, vështirësohen më tepër llogaritë për Evropën

Milani do ta ketë shumë të vështirë të marrë pjesë në Çempions sezonin e ardhshëm, ku pas humbjes ndaj Lacios, e sheh veten 6 pikë larg kupave të Evropës. Në San Siro, kuqezinjtë u mposhtën në shifrat 1-2.

Conceicao po e bën gjithnjë e më të pamundur qëndrimin e tij në krye të Milanit, pasi pësoi një tjetër humbje në kampionat, por jo vetëm kaq, pasi tekniku portugez vështirëson edhe më tepër llogaritë për zonën Euro. Aktualisht skuadra e sheh veten 6 pikë larg Conference League, që kurrsesi nuk mund të konsiderohet një objektiv. Të dielën kuqezinjtë u mposhtën në shtëpi, në një duel që mund të konsiderohet direkt me Lazion.

Me një lojtar më pak në 20 minutat e fundit, por dhe me një lojë jo bindëse e probleme në aspektin difensiv, Milan u mposht 1-2. Zaccagni shënoi në fraksionin e parë, por në të dytën Chukëueze riktheu ekuilibrat, teksa në limite një penallti e shndërruar në gol nga veteran Pedro vulosi fitoren për kryeqytetasit.

Kjo ishte disfata e tretë radhazi për Milanin me kundërshtarë si Torino, Bolonja e tani Lazio. Trajneri Conceicao prej javësh nuk është i qetë, ndërsa drejtuesit po mendojnë për zëvendësimin e tij. Ecuria e skuadrës ka qenë aspak pozitive e një shkarkim i portugezit është i pritshëm nga momenti në moment.