Ministri Hasani bisedë telefonike me homologun ukrainas, zbardhen diskutimet

Ministri i Shqipërisë për Europën dhe Punët e Jashtme, Igli Hasani, ka zhvilluar një bisedë telefonike me homologun Ukrainas, ministrin e ri të Jashtëm të sapozgjedhur, Andrii Sybiha.

Lajmin e ka bërë të ditur vetë Hasani përmes një postimi në rrjetin social ‘X’, ku shkruan se gjatë bisedës i ka shprehur urimet dhe mbështetjen ministrit të ri ukrainas për detyrën e tij.

Ai shkruan gjithashtu se i ka rikonfirmuar angazhimin e palëkundur të Shqipërisë për integritetin territorial, sovranitetin dhe pavarësinë e Ukrainës.

“Zhvillova sot një bisedë telefonike me homologun tim ukrainas, Andrii Sybiha. I shpreha urimet më të përzemërta dhe mbështetjen time të plotë, në detyrën e tij të re gjatë këtyre kohërave sfiduese.

Rikonfirmova angazhimin e palëkundur të Shqipërisë për integritetin territorial, sovranitetin dhe pavarësinë e Ukrainës”, ka shkruar Ministri Igli Hasani në platformën X.

LEXONI GJITHASHTU:

• Një grua mbetet e vrarë në sulmet me dron të Ukrainës në Rusi
• Administrata Biden dërgon në Kongresi raportin mbi strategjinë për luftën në Ukrainë