Ministri për Europën dhe Punët e Jashtme, Igli Hasani, ka bërë të ditur se 6 persona, mes të cilëve 4 të mitur, janë larguar nga Gaza dhe do i bashkohen pjesës tjetër të familjes që kanë mbërritur në Shqipëri në fillim të këtij muaji.

Përmes një postimi në rrjetin social “X”, Hasani bën të ditur se 6 personat e larguar nga Gaza janë anëtarë të një familjeje, burrë e grua dhe 4 fëmijët e tyre të mitur.

Ai shtoi se operacioni sfidues përfundoi me sukses sot në mesditë, falë bashkëpunimit të diplomatëve tanë në Tel Aviv dhe Kajro si dhe Ministrive të Jashtme të Izraelit dhe Egjiptit.

Ministri Igli Hasani në platformën X:

Më në fund, Eiadi, gruaja e tij dhe katër fëmijët e tyre të mitur u larguan nga Gaza dhe do t’i bashkohen pjesës tjetër të familjes që kanë mbërritur në Shqipëri në fillim të këtij muaji.

Operacioni sfidues përfundoi me sukses sot në mesditë, falë bashkëpunimit të diplomatëve tanë në Tel Aviv dhe Kajro si dhe Ministrive të Jashtme të Izraelit dhe Egjiptit. Mirënjohje të gjithë kolegëve të përfshirë në këtë proces.

LEXONI GJITHASHTU:

• Kurti takim me Kearnsin: Serbia duhet të ndëshkohet për sulmin në Banjskë
• Pallati i Versajës evakuohet pas kërcënimit me bombë, alarmi i shtatë në tetë ditë