Ministri i Bujqësisë Andis Salla voton në Cërrik, flet për projektet e reja në qytet

Ministri i Bujqësisë, Andis Salla, i cili më parë ka drejtuar Bashkinë e Cërrikut, ka ushtruar të drejtën e votës në qytetin që dikur ka administruar. Pas votimit, ai u shpreh se procesi po zhvillohet në qetësi.

Salla ftoi qytetarët e Cërrikut të marrin pjesë masivisht në votime, duke theksuar rëndësinë e shprehjes së vullnetit të lirë për zhvillimin e bashkisë. Ai u shpreh optimist duke nënvizuar se pjesëmarrja do të rritet, dhe theksoi se Cërriku është pjesë e projekteve të qeverisë shqiptare në të gjitha fushat.

“Është një vazhdimësi e punëve të mira të dy vite më parë. Më është dashur të jem në një detyr tjetër në qeverinë shqiptare dhe tashmë zgjedhjet duken të qeta. Dua ti ftoj të gjithë banorët e bashkisë së Cërrikut të votojnë masivisht duke shprehur vullnetin e tyre dhe të vazhdojë çdo punë e mirë.

Sa i përket pjesëmarrjes, mendoj se do rritet, njerëzit janë diku në punë por gjithsesi është një moment që do e shohim në fund të ditës gjithë procesin.

Nëse flasim për projekte konkrete në Cërrik, bashkia është në proces të të gjithë paketës së qeverisë shqiptare në çdo fushë”, tha ai.