Ministri i jashtëm i Iranit paralajmëron Izraelin: Do hapen fronte të reja lufte

Ministri i Jashtëm i Iranit Hossein Amir-Abdollahian paralajmëroi se hapja e fronteve të tjera në luftën Izrael-Hamas është një “mundësi reale” pasi Izraeli intensifikoi sulmet e tij hakmarrëse në Rripin e Gazës, duke shkaktuar frikë se konflikti do të kthehej në një luftë rajonale.

“Me vazhdimin e agresionit, krimeve të luftës dhe rrethimit të Gazës, hapja e fronteve të tjera është një mundësi reale,” tha Amir-Abdollahian.

Amir-Abdollahian e bëri këtë deklaratë për kanalin Al Mayadeen pas mbërritjes së tij në Bejrut këtë të premte.

Ai tha gjithashtu se Operacioni Al-Aksa Flood i nisur nga Hamasi erdhi si përgjigje ndaj “krimeve të entitetit sionist”, duke iu referuar kështu Izraelit.

“Vendet dhe populli musliman nuk i pranojnë shkeljet e vazhdueshme kundër popullit palestinez”,-tha Amir-Abdollahian.

Ai theksoi se “Izraeli dhe mbështetësit e tij” janë plotësisht përgjegjës për rezultatet e sulmeve të vazhdueshme ndaj popullit palestinez.

Diplomati i lartë iranian tha gjithashtu se bisedimet që Irani po zhvillon me Arabinë Saudite vijnë si pjesë e strategjisë së Teheranit për të mbështetur Palestinën.

Në një zhvillim serioz në rrjedhën e sulmeve izraelite në Gaza, Izraeli ka informuar OKB-në për domosdoshmërinë e evakuimit të Rripit verior të Gazës brenda 24 orëve.

Ushtria izraelite informoi OKB-në se e gjithë popullsia e Gazës në veri të Wadi Gazës duhet të zhvendoset në Gazën jugore brenda 24 orëve të ardhshme, tha zëdhënësi i OKB-së Stephane Dujarric në një deklaratë të enjten vonë.

LEXONI GJITHASHTU:

• Ministri i jashtëm i Iranit paralajmëron Izraelin: Do hapen fronte të reja lufte
• Hezbollah: Të gatshëm të luftojmë kundër Izraelit. Kërcënon SHBA: Mos e bëni!