Ministria e Jashtme notë verbale ndaj ministrit britanik të Emigracionit

Ambasadori i Britanisë së Madhe në Shqipëri, Alastair King Smith është thirrur sot ne Ministrinë e Punëve të Jashtme dhe i është dorëzuar një notë verbale për deklarimin e dy ditëve më parë të ministrit të emigracionit Robert Jenrick.

Dy ditë më parë, vizitën në të ashtuquajturën qendër të largimit, ministri britanik për emigracionin, Robert Jenrick, e fokusoi në procesin e deportimit të emigrantëve të paligjshëm shqiptarë. Por deklarata e atij se “stafi fantastik” po punon gjatë gjithë kohës për të gjetur shqiptarë dhe për t’i larguar ata, ka nxitur reagimin e ministres së jashtme të Shqipërisë, Olta Xhaçka.

Duke u shprehur e shokuar, Xhaçka thotë se gjuha e përdorur “gjeni shqiptarin, largoni shqiptarin” vjen vetëm për disa vota të mjerueshme.

LEXONI GJITHASHTU:

• Xhaçka reagon ndaj deklaratave të ministrit britanik kundër shqiptarëve
• Xhaçka: Nuk ka pasur asnjë lloj mbrojtjeje për Serbinë duke dëmtuar Kosovën