Ministria e Jashtme për goditjen ndaj Izraelit: Dënojmë ashpër sulmet e Iranit

Ministria e Jashtme e Shqipërisë dënoi ashpër sulmin masiv me raketa të Iranit ndaj Izraelit, duke e cilësuar si një përshkallëzim të konsiderueshëm që rrit kërcënimin ndaj sigurisë rajonale.

Përmes një reagimi në rrjetin social “x” Ministria e Jashtme shprehu solidaritetin me popullin izraelit dhe theksoi të drejtën e tij për t’u mbrojtur.

MEPJ ripërsëriti thirrjen për ulje të menjëhershme të tensioneve në Lindjen e Mesme.

“Shqipëria dënon ashpër sulmet e Iranit ndaj Izraelit dhe civilëve të tij. Kjo paraqet një përshkallëzim të konsiderueshëm, duke rritur kërcënimin ndaj sigurisë rajonale. Shqipëria solidarizohet me popullin e Izraelit dhe të drejtën e tij për të jetuar në siguri. Ne ripërsërisim thirrjen tonë për çtensionimin e menjëhershëm”, thuhet në reagimin e MEPJ.

LEXONI GJITHASHTU:

• Netanyahu: Irani bëri gabim të madh dhe do të paguajë
• Irani sulmoi me raketa, mediat amerikane: Izraeli do të nisë një hakmarrje të madhe