Ministria e Shëndetësisë në Gaza bën bilancin: Mbi 10 mijë të vrarë!

Ministria e Shëndetësisë e Gazës e drejtuar nga Hamasi thotë se më shumë se 10 mijë njerëz janë vrarë që nga 7 tetori.

Sipas mediave të huaja, mbi shifrat e numrit të vdekjeve të raportuara, ka dyshime të shumta.

Një zëdhënës i ushtrisë izraelite ka thënë se Ministria në Gaza “vazhdimisht rrit numrin e viktimave civile”. Ky shqetësim u bë jehonë nga presidenti amerikan Joe Biden, i cili tha se nuk ka “nuk ka besim” te shifrat.

Shifrat e vdekjeve të Izraelit nuk kanë tërhequr të njëjtin skepticizëm. Ushtria izraelite thotë se “mbi 1,400” njerëz u vranë nga Hamasi më 7 tetor.

Ndërsa gazetarët dhe hetuesit e OKB-së kanë qenë në gjendje të vizitojnë fshatrat izraelite të sulmuara nga Hamasi për të vërtetuar shifrat.

Por nga ana tjetër, Izraeli nuk i ka lejuar vëzhguesit të hyjnë në Gaza që nga fillimi i luftës.

Analistët thonë se edhe për gazetarët e Gazës, ndërprerjet periodike të telefonit dhe internetit, mungesat e përhapura të karburantit dhe rreziku i sulmeve ajrore kanë penguar lëvizjen brenda territorit.