Ministria e Shëndetësisë në Gaza: Mbi 23 të vdekur nga dehidrimi dhe kequshqyerja

Numri i njerëzve që kanë vdekur nga dehidrimi dhe kequshqyerja në Gaza është rritur në të paktën 23, sipas një zëdhënësi të Ministrisë palestineze të Shëndetësisë në enklavë.

Për shkak të mungesës së aksesit të mediave ndërkombëtare në Gazën e kohës së luftës, vdekjet dhe shkaqet e tyre nuk mund të konfirmohen në mënyra të pavarur nga mediat, shkruan CNN

Tre fëmijë të tjerë vdiqën të premten në spitalin Al-Shifa për shkak të kequshqyerjes dhe dehidrimit, sipas Ashraf al-Qidra, një zëdhënës i ministrisë së shëndetësisë.

Zyrtarët e organizatave të ndihmës dhe organizmave ndërkombëtarë kanë paralajmëruar për javë të tëra se palestinezët e zhvendosur po  përpiqen të ushqejnë fëmijët e tyre pasi Izraeli kufizon ashpër dërgesat e ndihmave. Kombet e Bashkuara thonë se qindra mijëra njerëz janë në prag të urisë.

LEXONI GJITHASHTU:

• Korridori detar për në Gaza| Der Leyen në Qipro, njofton nisjen e anijes me ndihma
• Rezervat ushqimore drejt fundit në Gaza, OKB paralajmëron katastrofën humanitare