Ministrja Ibrahimaj: Biznesi i vogël në Shqipëri, më i favorizuari në taksim

Ministrja e Sipërmarrjes Delina Ibrahimaj ishte këtë të martë e ftuar në “Now me Erla Mëhillin” në Euronews Albania ku ka vlerësuar taksimin progresiv.

Ajo është shprehur se biznesi i vogël ka taksimin më favorizues jo vetëm në rajon, por edhe në Evropë.

“Biznesi i vogël është ndër ato kategori që ne kemi favorizuar më shumë se çdo kategori tjetër. një biznes i vogël sot paguan zero taksa, paguan vetëm kontributet e sigurimeve shoqërore.

Biznesi i vogël ka regjimin më favorizues jo vetëm të rajonit, por edhe të Evropës. Ne kemi tavanin më të lartë për pagesën si të TVSH-së edhe të tatim-fitimit. Nëse bëjmë një analizë se sa ka paguar biznesi i vogël në qeverisjen tonë është gati gjysma e asaj që ka paguar më parë”,-tha Ibrahimaj.