Kupa e Botës 2026, incidente në Hagë pas kualifikimit të Marokut ndaj Holandës

Tifozët marokenë u përleshën me policinë në Hagë dhe festuan në Kazablanka pasi Maroku e detyroi Holandën të eliminohej para kohe nga Kupa e Botës, duke fituar me penallti.

Holanda ka një komunitet të konsiderueshëm maroken dhe tifozët e ekipit kombëtar maroken shpërthyen në festime pas fitores, por edhe në incidente sporadike.

Policia në Hagë raportoi se “u hodhën fishekzjarre” në zonën e Silderswijk dhe se oficerët u goditën nga fishekzjarrë dhe gurë. Policia e trazirave sulmoi turmën dhe përdori topa uji për të shpërndarë tubimin.

“Një numër njerëzish janë arrestuar për kryerjen e dhunës së hapur”, tha policia holandeze.

Ndërsa gjuajtjet e penalltive arritën kulmin, heshtja e tensionuar brenda një kafeneje të njohur për tifozët në Kazablanka, qytetin më të madh të Marokut, ia la vendin një britme shurdhuese kur Ismail Saibari shënoi penalltinë vendimtare, duke e dërguar ekipin e tij në 16-shen e fundit.

Festimet shpejt u përhapën në rrugë, me fishekzjarrë dhe flakëtarë që i vunë flakën qiellit, bori që binin dhe motorë që gjëmonin ndërsa tifozët festuan deri në agim.

Pavarësisht fillimit të vonë dhe ditës së punës që e priste, dhjetëra tifozë të gëzuar u mblodhën në një rrugë qendrore në Kazablanka rreth orës 5 të mëngjesit sipas orës lokale, duke kërcyer në rrugë, duke valëvitur flamuj marokenë dhe duke brohoritur: “Kanada, po vijmë për ty”.