Mirëmbajtja e pallateve me rregulla të reja, ndëshkime për ata që s’paguajnë tarifë

Pallatet dhe komplekset rezidenciale do të administrohen me rregulla të reja.

Një projektligj i hedhur për konsultim publik vendos masa ndëshkuese për banorët që nuk paguajnë detyrimet për mirëmbajtjen.

Rregullat e reja vijnë si rezultat i moszbatimit në praktikë të ligjit ekzistues të vitit 2009.

Përveç Bashkisë Tiranë që ka arritur të krijojë një strukturë funksionale, në bashkitë e tjera janë hasur probleme e mosmarrëveshje për administrimin.

Çdo bashkëpronar paguan detyrim mujor për të mbuluar shpenzimet e mirëmbajtjes për hapësirat e përbashkëta si shkallët, ashensorët, ndriçimin dhe të tjera.

Në një ndërtesë, pronarët ndajnë përgjegjësinë për mirëmbajtjen e objekteve në bashkëpronësi. Prandaj, në rast se një pronar apo qiramarrës që vepron në emër të tij shkakton dëm në këto hapësira, ai do të mbajë përgjegjësi për riparimin e dëmit të shkaktuar.

Projektligji parashikon edhe ngritjen e një fondi rezervë, në raste emergjencash.

Për sa i përket rolit që do të kenë bashkitë, këto të fundit do të mbajnë një regjistër, me informacion të detajuar për karakteristikat kryesore të pronës dhe mënyrën e administrimit të saj.

LEXONI GJITHASHTU:

• 65 familje pa shtëpi në Durrës, pallatet të dëmtuar nga tërmeti
• Ankohen banorët në Durrës: Pallatet e rindërtuara pa kushte, mungojnë ujë e drita