Mister vdekja e të riut në Ersekë, 32-vjeçari mbërrin i pajetë në spital

Mbrëmjen e së shtunës 32-vjeçari Gentian Isai nga Kagjinasi i Ersekës ka ndërruar jetë rrugës teksa po transportohej drejt spitalit të Ersekës.

Sipas familjarëve i riu ka pasur dhimbje dhëmballe dhe ka kryer vizitë në një dentist në qytet, ku ka marrë dhe antibiotik. Familjarët e kanë gjetur pa ndenja të riun brenda në shtëpi.

“Djali prej 3 ditësh kishte dhimbje dhëmballe dhe ka shkuar te dentisti në qytetin e Ersekës. Dy ditë më parë djali shkoi e mjekoi dhëmballën por kishte përsëri dhimbje dhe shkoi përsëri dje paradite. Dhimbja e dhëmballës i kishte shkaktuar enjtje dhe kishte dhimbje të saj. Mjeku i ka dhënë disa ilaçe dhe ai i ka pirë . Këto medikamente i kanë sjellë djersitje dhe këputje pasi i ka konsumuar. Dje djali pasi ka ardhur në shtëpi është shtirë dhe e gjetëm në orën 4 në gjendje të fikti.  Menjëherë e kemi nisur me një mjet drejt Ersekës. Kur shkuam në spital doktori me tha se djali kishte vdekur. Nuk e di nëse ka qenë mjekim i gabuar apo erdhi nga Zoti”, u shpreh Dashamir Isai.

Familjarë dhe të afërm thonë se 32-vjeçari nuk kishte pasur asnjë shqetësim tjetër veç dhimbjes së dhëmballës.

“Burime nga spitali bëjnë me dije se 32-vjeçari ka pasur probleme prej ditësh me dhëmballën. Infeksioni i ka prekur të gjithë gojën dhe një pjesë të organeve”, tha njëe  afërme.

Infeksioni i madh në organe dhe në gjak ka sjellë vdekjen e 32 vjeçarit.

LEXONI GJITHASHTU:

• ‘Të zbardhet e vërteta’, kushëriri i të riut që vdiq nga dhëmballa kërkon drejtësi
• Shpërthen një sasi eksplozivi në veri të Mitrovicës
• Verbimi i heshtur, glauloma është sëmundja që nuk paralajmëron