Misteri i helmimit masiv në Bulqizë, mjeku: Ushqimi përjashtohet, çfarë dyshohet

Rreth 100 persona janë paraqitur në spitalin e Bulqizës me simptoma të helmimit që nga mbrëmja e së shtunës.

Shefi i shërbimit spitalor të Bulqizës Shahin Kaja tha në një intervistë për Euronews Albania se shkaku i helmimit masiv ende nuk është zbardhur ndërsa theksoi se përjashtohet mundësia e helmimit nga ushqimi.

“Origjinën nuk e dimë dhe nuk mund të deklarohemi pa dalë analizat e ujit, gjendja shëndetësore e pacientëve paraqitet e qëndrueshme. Origjina deri në këto momente nuk është ushqimore, ka pasur raste edhe në fshatrat rreth e qark, ku nuk kemi informacione që të ketë pasur dasma apo dreka e darka. Për ujin e pijshëm duhet hetuar më tej, sepse ka pasur raste edhe në periferi që kanë ujësjellës të ndryshëm nga ai i qytetit. Janë rreth 100 persona me simptoma, marrje mendje, të vjella, dhimbje barku, shenja intoksikimi. Nuk kemi asnjë të shtruar në spital. Shumica e pacientëve janë të rritur, mbi 20 vjeç”, tha ai.

LEXONI GJITHASHTU:

• Detaje nga helmimi masiv në Bulqizë: Dyshohet se uji i pijshëm kishte fekale
• Pse u helmuan 56 persona në Bulqizë? Eksperti: Ja si dallohet uji me fekale