Mitsotakis në Himarë, Dule: Dha mesazhe bashkëpunimi dhe fqinjësie të mirë

Kryetari i Partisë Bashkimi për të Drejtat e Njeriut (PBDNJ), Vangjel Dule, ishte një nga përfaqësuesit politikë në vend që pritën kryeministrin grek Kyriakos Mitsotakis në Himarë.

Dule u shpreh se kreu i qeverisë greke dha mesazhe me frymë evropiane, bashkëpunimi dhe fqinjësie të mirë.

I pyetur nga gazetarët se përse kryebashkiaku i Himarës, Jorgo Goro, nuk ishte i pranishëm, Dule deklaroi se ardhja e Mitsotakis është një ngjarje shumë e madhe për t’u eklipsuar nga gjëra shumë të vogla.

“Ajo që është për t’u theksuar ditën e sotme janë mesazhet plot frymë evropiane, bashkëpunimi, miqësie, fqinjësie të mirë të zotit Mitsotakis. Pamë të gjithë sot dhe çdo politikan, duke përfshirë edhe mua, pamë një shembull se si sillet një kryeministër, si përcjell mesazhe, si ndërvepron me qytetarët, si i përfaqëson dhe si i frymëzon ata.

Besoj se ishte kuptimplotë për të gjithë. Këto nuk janë diskutime të ditës së sotme, sot ishte zoti Mitsotakis, ngjarja është shumë e madhe për t’u eklipsuar nga gjëra shumë të vogla”, theksoi ai.

LEXONI GJITHASHTU

• Kryeministri grek Mitsotakis mbërrin me helikopter në Himarë
• Kryeministri grek Kyriakos Mitsotakis më 22 dhjetor viziton Shqipërinë
• Mitsotakis anulon vizitën në Himarë, shtyhet takimi me minoritetin grek