Mjekja: 2 ukrainaset mund të kenë vdekur në gjumë, pinë drogë me alkool

Një ngjarje e rëndë u raportua në fundjave ku 2 shtetase ukrainase u gjeten të vdekura. Viktimat janë identifikuar si Antonina Kozachenko 25 vjeçe dhe Anastasia Lopukhova 40 vjeçe, të cilat u gjetën pa shenja jete mesditën e se premtes në banesën e marrë me qira ditore në zonën e “Selvisë” në Tiranë.

Paraprakisht dyshohet se dy ukrainaset kanë humbur jetën për shkak se kanë konsumuar mbidozë ilaçesh me përmbajtje lëndësh narkotike, duke përfshirë  “Xanax”, ku në dhomë i janë gjetur edhe pilulat që dyshohet se i kanë konsumuar, apo edhe “tramadol”. Vajzat dyshohet se punonin si ‘eskorta’ në Tiranë.

Toksikologia Suela Xhufi tha në emisionin GoodMorning Albanians në Euronews Albania se dy shtetaset ukrainase dyshohet të kenë vdekur në gjumë pasi kanë përzierë drogën dhe alkoolin.

“Sasia që mund të kenë marrë i ka dalë jashtë kontrollit, kanë kaluar në koma ndërsa kanë qenë në gjumë. Nëse do ishin kapur më shpejt edhe mund të ishin shpëtuar. Varet nga sasia e drogës që kanë marrë, duhet të ketë qenë sasi shumë e madhe, e kanë pirë drogën pasi alkoolit dhe janë shtrirë për të fjetur, mund të kenë vdekur në gjumë. Të gjitha ilaçet psikiatrike me alkool japin efekt negativ, nuk duhet kombinuar me alkool se e bën më të fortë efektin, vetë alkooli është antidepresant”, tha mjekja.

LEXONI GJITHASHTU:

• Konsumuan mbidozë droge, kush janë 2 ukrainaset që u gjetën të vdekura në Tiranë
• Gjenden të vdekura dy shtetase ukrainase në zonën e Selvisë në Tiranë