Mjekja: Jeta sedentare ka ulur moshën e pacientëve me probleme zemre

Temperaturat e larta kanë rritur rastet e pacientëve me probleme kardiake që kanë pasur nevojë për ndihmë mjekësore.

Vetëm gjatë një dite në poliklinika realizohen rreth 20 vizita me shqetësime nga të më lehtat deri tek para-infarktet.

Por ajo çfarë vihet re kohët e fundit është shtimi i pacientëve me problem të zemrës në moshë të re. Mjekët fajësojnë për këtë jetën sedentare.

Bluzat e bardha apelojnë që të bëhet kujdes gjatë kësaj periudhe, ku temperaturat vijojnë të jenë të larta.

Ata kërkojnë që të mos nënvleftësohen shenjat e para që shfaqin problemet e zemrës, por të drejtohen menjëherë pranë mjekut të familjes dhe urgjencave mjekësore.

LEXONI GJITHASHTU: 

• “Diplomatët, pa paga”| MEPJ: E pavërtetë, s’ka asnjë bllokim të llogarive bankare
• Ministria ruse e Mbrojtjes: Gjashtë dronë ukrainas rrëzohen afër Moskës