“Mjeshtër i letërsisë”- Presidenti Begaj takon Kadarenë për t’i uruar ditëlindjen

Presidenti i Republikës Bajram Begaj ka takuar këtë të shtunë shkrimtarin Ismail Kadare, me rastin e ditëlindjes së këtij të fundit.

Kreu i Shtetit ka ndarë në rrjete sociale disa foto nga takimi që pati me shkrimtarin shqiptar.

I shoqëruar nga bashkëshortja e tij, Begaj ka zgjdhur ta urojë personalisht Kadarenë në 87-vjetorin e lindjes së tij.

“Patëm kënaqësinë që së bashku me Armandën, t’i uronim sot ditëlindjen mjeshtrit të letersisë shqipe, Ismail Kadare.

I përkthyer në mbi 45 gjuhë, ai është ambasadori më i mirë i kulturës shqiptare, historisë dhe identitetit tonë, shkrimtari dhe intelektuali që e ka rritur dhe nderuar emrin e Shqipërisë në botë”, shkruan Begaj në facebook.

LEXONI GJITHASHTU:

• Sot, 87-vjetori i Ismail Kadaresë
• Shtëpia e shkrimtarit Ismail Kadare rrit numrin e turistëve në Gjirokastër
• ‘Nuk jam grua e hekurt’, Helena Kadare: Kam jetuar nën hijen e Ismailit