Mjeti i pastrimit përplas pushuesin në Pogradec, 53-vjeçari përfundon në spital

Një mjet pastrimi ka përplasur një pushues në vendin e quajtur “Plazhi” në Pogradec.

Ngjarja ka ndodhur rreth orës 13:50 kur 53-vjeçari ka qenë i shtrirë në rërë dhe kur ka qenë duke lëvizur mjeti e ka shkelur me njërën gomë.

Si pasojë, pushuesi është dëmtuar në kokë dhe shpatull dhe ndodhet në spitalin e Pogradecit, në kujdesin e mjekëve.

Shoferi, 31-vjeçari D. P., është shoqëruar në Komisariat, për kryerjen e veprimeve të mëtejshme procedurale.

Theksohet se zona  ku po pastrohet nuk është i përcaktuar si plazh publik por thjesht hapësirë boshe në bregliqen.

Grupi hetimor vijon punën për zbardhjen e rrethanave të kësaj ngjarjeje.

LEXONI GJITHASHTU:

• Hera e dytë që aksidentohet në detyrë, kush është efektivja që u përplas në Vorë
• Aksident në Vorë/ Përplasen dy makina, lëndohet efektivja e policisë