Molliqaj: Të vërtetat që po marrim vesh prej Vuçiç të cilat Albini s’i thotë

Kryetari i PSD Dardan Molliqaj thotë se Albin Kurti po përpiqet të shesë kompromiset e veta si fitore.

Në emisionin Now në Euronews Albania, Molliqaj u shpreh se nuk ka fitore të Kurtit nëse në finale është një marrëveshje ku nuk ka njohje nga Serbia.

Ai e cilësoi të papranueshme mungesën  e transparencës nga qeveria Kurti lidhur me planin franko- gjerman, teksa theksoi se më shumë informacion po merret vesh nga Vuçiç se sa nga Kurti.

“Kurti e ka ringjallur më shumë se kurrë asosacionin. Është e papranueshme që sot më shumë po marrim vesh të vërteta nga Vuçiç se Kurti. Transparencë në dialog duhet të jetë e para”, tha Molliqaj.

Sipas analistit Andi Bushati, nuk është e thënë që një marrëveshje pa njohjen e ndërsjellë të jetë e keqe.

“Nëse e kemi Kosovën në organizata ndërkombëtare, njihet nga shtet që se njohin, a duhet një qeveria t’i thoshte po një marrëveshjeje të tillë? Qasja që nuk duhet pranuar asgjë pa njohje më duket e gabuar”, tha Bushati.

LEXONI GJITHASHTU:

• Dardan Molliqaj: Ku gaboi Albin Kurti
• Deputeti i Vetëvendosjes “skanon” tensionet: Serbia po mban peng BE-në dhe SHBA-në