Molotov drejt bashkisë Tiranë, ndalohet protestuesi, procedohen 3 të tjerë

Një 38-vjeçar banues në Kurbin është arrestuar nga policia e Tiranës në lidhje me aktet e dhunës të ndodhura gjatë protestës së opozitës përballë bashkisë Tiranë të datës 14 maj.

Bëhet me dije se në pranga ka përfunduar shtetasi me inicialet E.V., i cili akuzohet për veprat penale “Prishja e qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr”, dhe “Goditjet për shkak të detyrës”.

“Drejtoria Vendore e Policisë Tiranë, në lidhje me aktet e dhunshme të ushtruara gjatë protestës së zhvilluar më datë 21.05.2024, përpara Bashkisë Tiranë, nga Aleanca për Mbrojtjen e Teatrit, në vijim të veprimeve hetimore e procedurale dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ndaloi shtetasin: E.V., 38-vjeç”, njofton policia.

Gjithashtu në lidhje me protestat e opozitës u proceduan në gjendje të lirë shtetasit K. B., 21 vjeç, S. J., 41 vjeçe, të dy banues në Tiranë, dhe S. B., 49 vjeç, banues në Krujë.

Materialet në ngarkim të tyre i kaluan Prokurorisë për veprime të mëtejshme.

LEXONI GJITHASHTU:

• Nga Sali Lushaj te Adriana Kalaja, të proceduarit për protestën para Bashkisë Tiranë
• Protesta para bashkisë, 1 efektiv policie transportohet me ambulancë drejt spitalit