Momentet e fundit para përfshirjes nga flakët të magazinës, teksa Arjan Sala vrapon në ndihmë të kolegëve 

Një foto e shkëputur nga kamerat e sigurisë tregon momentin e fundit para përfshirjes në flakë të magazinës tek ‘Casa Italia’, ku shihet 32-vjeçari Arjan Sala teksa vrapo për t’u ardhur në ndihmë kolegëve të tij.

Gjesti heroik i të riut, që i mori edhe jetën, u vlerësua masivisht në opinioni publik, teksa sot kryeministri Edi Rama gjatë vizitës në familjen e të ndjerit u dorëzoi atyre titullin “Dëshmor i Atdheut” për 32-vjeçarin.

Arjan Sala, i riu që humbi jetën nga zjarri i rënë në qendrën tregtare “Casa Italia”, ka prekur zemrat e mjaft njerëzve me veprimin e tij vetëflijues.

Kolegë të tij thonë se 32-vjeçari me veprimet e tij pas rënies së zjarrit ka arritur të shpëtojë disa punonjës të kompanisë së sigurisë, ku edhe ai vetë ishte pjesë prej tre vitesh.

Babai i një fëmije 2 vjeç pasi ndihmoi kolegët të dilnin nga magazina, nuk arrit dot të dilte që aty në përpjekje për të shuar vatrën e zjarrit. Trupi i tij u nxor katër ditë pas rënies së zjarrit.

Politikanë, artistë dhe personalitet të vendit kanë shprehur nderime të thella për veprimin e të riut.

Lexoni gjithashtu:

Arjan Sala shpallet ‘Dëshmor i Atdheut’, kryeministri u dorëzon titullin familjarëve